В глубокій долині звізда засвітила

Сл: народ
Муз: народ

В глубокій долині звізда засвітила,
Де Пречиста Діва Мати сина породила. | (2)

Не в царських палатах, а поміж бидляти
У пустині у яскині, треба вшитким знати. | (2)

Як го породила, так йому співала:
"Люляй, люляй, мій Синочку, а я буду спала". | (2)

Що то Бога Христа Марія Пречиста
І родила, і кормила Його, як невіста. | (2)

На руках тримала і йому співала,
Всемогутнім своїм Творцем Його називала. | (2)

Гварит: "Люляй Сину, буд зо мнов без впину,
Коли взяв єс собі мене за матір єдину". | (2)

Повіч, Правосуде, де хто з вірних буде.
Най зо мною пред Тобою станут усі люде. | (2)

Тобі ся молити, і Тебе просити,
Жеби с дав нам в своїм царстві вовік-віків жити. | (2)

Аудіофайли:

Награш, Сп. Антоніна Прибило, с.Смерековец (MIDI , 7kb)

Фонограма-мінус (midi) (MIDI , 6kb)

На головну сторінку...