Горіла липка і явір

Сл: народні
Муз: народна

1. Горіла липка і явір,
Горіла липка і явір, і явір,
Сподобав мі ся кавалір.

2. Горіла липка і явір,
Горіла липка, горіла, горіла,
Під ньов дівчина сиділа.

3. Іскерки на ню падали,
Іскерки на ню падали, падали,
Парібці за ньов плакали.

4. Не плачте, парібці, не плачте,
Не плачте, парібці, не плачте,
Дзелену липку загасте.

5. В решеті воду носили,
Дзелену липку гасили, гасили,
Дзелену липку гасили.

6. Кілько в решеті той води,
Кілько в решеті той води, той води,
Тівко парібской паради.

7. Горіла липка і явір,
Горіла липка і явір, і явір,
Десь ся милий забавив.

8. Забавив він ся при Тисі,
Забавив він ся при Тисі, при Тисі,
Їмав він рибки Марисї /Ярисі/.

Аудіофайли:

Награш для хору наспіву від Баюс Ксені, с.Маластів (MIDI , 8kb)

На головну сторінку...