Будеш ти, мамичко

Сл: народні
Муз: народна

1. Будеш ти, мамичко, горенько плакати,
Як ти буде єдна лижка зоставати.

2. Зостане ти лижка, і в полю робота,
Будеш ти плакала, як бідни сирота.

3. Далас мене, мамо, за третю границю,
Жеби м не ходила до тя по жентицю.

4. Ани по жентицю, ани по молоко,
Далас мене, мамо, од себе далеко.

5. Вибивай, мамичко, зо стіни клиночок,
Де Ганця вішала зелений віночок.

Аудіофайли:

Награш для хору наспіву від Йосифа Ференца, с.Висова (MIDI , 7kb)

На головну сторінку...