Галю

Муз: Rock-H (Рокаш)
Вик: Rock-H (Рокаш)

Ой, ти, Галю, Галю, ой, люблю тя, люблю,
Лем ня серце болить, Боже, што ся робить?..
Ходить до тя другий - я вже з сього дурний!
Ой, ти, Галю, Галю, не роби ми жалю,
Та ци чуєш ня, Галю, я ти хижу запалю!
Я ти ловгош поламлю, бо вшитко тямлю,
Я хотів ся женити, а тепер ми скажи ти:
Што я мав учинити?

Приспів:
Галю, Галю, хижу ти запалю,
Кідь будеш дурити, за нус ня водити!
Галю, Галю, хижу ти запалю,
Кідь будеш брехати, других любовати!
Галю, Галю, хижу ти запалю,
Ще й колишню спалю, йой ци буде жалю!
Галю, Галю, хижу ти запалю,
А ци чуєш, Галю? А ци чуєш Галю?

Ловгош я поламав, другого дозирав,
Писок я му набив, вби до тя не ходив!
А вун тобі любий, хоть го бий, хоть не бий,
І назад я дурний - ходить до тя другий!
Нашто боло ламати, другого дозирати,
Нашто боло го бити, біду робити?
Кіть вун буде ходити, та й буде тя любити -
З сього мож удуріти!

Приспів. (2)

Галю, Галю, хижу ти запалю,
Ще й колишню спалю, йой ци буде жалю?..
Галю, Галю, хижу ти запалю!
А ци чуєш, Галю? А ци чуєш Галю?
А ци чуєш, Галю? А ци чуєш Галю?

На головну сторінку...